Er du god på koordinering og klar for å ta fagleg ansvar? Bli Disiplinleiar Stålutrustning i Ulstein!

Er du ein pådrivar? Då har vi noko til felles.

Ulstein er ein internasjonal og nyskapande aktør innan maritime løysingar. I over 100 år har våre medarbeidarar utvikla framtidsretta skip, design og teknologi for den globale maritime industrien.

Er du klar for å bli Disiplinleiar Stål/ stålutrustning i Ulstein Verft? Her blir du fagansvarleg og ein nøkkelperson i prosjekta med ansvar for koordinering av personell og trygge kvalitet i leveransane.

Ta gjerne kontakt om du vil vite meir om korleis det er å jobbe i Ulstein!

About the employer

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen.

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.

Oppgåver du vil jobbe med

• Ta leiinga for ditt fagfelt i prosjektet
• Sikre at produksjonen leverer i tråd med spesifikasjonar – til rett tid og innanfor timeramma
• Koordinere aktivitetar og ressursar innanfor fagområdet i produksjonen
• I periodar kunne gå inn i rolla som assisterande prosjektleiar for nybygg
• I periodar kunne gå inn i rolla som prosjektleiar i ettermarknadsoppdrag
• Følge opp og rapportere avvik – med klare analysar og løysingsforslag
• Utforme endringsordrar (Change Orders) når prosjektet krev justeringar
• Fremme god kommunikasjon og samarbeid i prosjekta
• Ha kontroll på bortsett arbeid og sikre tilstrekkelig bemanning i prosjektet
• Vere ein viktig støttespelar for Site Team i utlandet

Kunnskap og erfaring vi ser etter

Vi ønskjer å kome i kontakt med deg som har relevant utdanning som fagskule eller høgskule innan tekniske og maritime fag, og som har god produksjons- og teknisk forståing. Har du relevant erfaring frå leiing - og gjerne innan maritim industri vil det vere ein fordel. Du må også kunne å kommunisere både på norsk og engelsk.

Vi verdset utvikling, både fagleg og personleg, så ikkje nøl med å søkje sjølv om du ikkje oppfyller alle krava.

Kvifor velje Ulstein som arbeidsplass

• Gode utviklingsmuligheiter
• Interessante og varierte arbeidsoppgåver
• Eit godt fagleg miljø
• Gode pensjons- og forsikringsordningar
• Fleksitidsordning

Kontaktinformasjon

Stig Slettebakk, Department Manager Outfitting & Steel, 91 58 10 13

Ole Osnes Gjerde, Production Manager, 99 59 71 75

Arbeidsstad

Osnesvegen 110

6065 Ulsteinvik

Nøkkelinformasjon:

Arbeidsgivar: Ulstein Verft AS

Referansenr.: 5192913456

Stillingsprosent: 100%

Fast

Søknadsfrist: 18.10.2026